حسن وساڻ
حسن وساڻ
حسن وساڻ: ليکڪ ۽ سماجي اڳواڻ محمد حسن ولد بهارو خان وساڻ، 4 اپريل 1944ع تي سانگهڙ ۾ ڄائو. انٽر تائين تعليم سانگهڙ مان حاصل ڪيائين. ان بعد ڪراچي يونيورسٽيءَ مان 1966ع ڌاري گريجوئيشن ڪيائين. ان کانسواءِ مختلف سماجي تنظيمن جي تربيتي پروگرامن ۾ پڻ شريڪ رهيو. هن جرمنيءَ مان اعليٰ زرعي تربيتي ڪورس CRS+SAP پڻ ڪيو.
حسن وساڻ 1993ع کان لکڻ شروع ڪيو. روزاني اخبارن ’جاڳو‘، ’برسات‘، ’ڪاوش‘ ۽ عوامي جمهوري فورم ۾ سندس ڪالم/مضمون شايع ٿيندا رهيا. هن خاص ڪري سماجي مسئلن سميت فلم، موسيقي، ٿيٽر، فائن آرٽس ۽ فلسفي جي موضوع تي لکيو آهي. مختلف سماجي تنظيمن جي پراجيڪٽن ۾ عملي ڪم ڪيو اٿائين. اڄڪلهه عورتن جي ڀلائي واري تنظيم (R.W.W.O) سانگهڙ جو فيلڊ آفيسر آهي. مختلف سيمينارن ۽ تربيتي ورڪشاپن جي سلسلي ۾ هي انگيلنڊ جرمني، سريلنڪا ۽ فلپائن وغيره جا دورا ڪري چڪو آهي.
لفظ حسن وساڻھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1944.04.04 عيسوي
ليکڪ ۽ سماجي اڳواڻ محمد حسن ولد بهارو خان وساڻ، 4 اپريل 1944ع تي سانگهڙ ۾ ڄائو.
شخصيتون - ڀاڱي جون ٻِيون داخلائون
جان محمد ميمڻ ڊاڪٽرشاهنواز خان شهيد
ريڊنگ لارڊ
شيخ محمد اسلم 2
جمال خان
بشير مورياڻي
شيدي محمد بخش
احمد خان ملڪاڻي
بحر وڇاڻي
اسحاق عليه السلام